करीब २० वर्षपछि बलिउड अभिनेता ऋषि कपूर र अभिनेत्री जूही चावलाको जोडी फेरि एकपटक पर्दामा देखिने भएको छ । यी दुई स्टार्स एक पारिवारिक कमेडी फिल्ममा देखिन लागेका हुन् ।
सोमवार सोसल मिडियाबाट यसको जानकारी गराइएको छ । यो जोडीलाई पछिल्लो पटक १९९६ मा फिल्म ‘दरार’ मा देखिएको थियो । जूही चावलाले सोसल मिडियामा यस फिल्मको स्टारकास्टको एक तश्बिर शेयर गरेकी छन् ।
उनका अनुसार, फिल्मको छायांकन चाँडै सुरु हुनेछ । ठूलो पर्दामा ऋषि कपूर र जूहीको जोडी सुपरहिट रहेको थियो । यो कपलले 'बोल राधा बोल', 'ईना मीना डीका' र 'साजन का घर' जस्ता फिल्ममा काम गरिसकेका छन् ।
मेकर्सबाट प्राप्त जानकारी अनुसार, फिल्मको अहिलेसम्म नाम तय भइसकेको छैन । यसको निर्माण सोनी पिक्चर्स इन्टरनेशनल प्रोडक्शंस इन इन्डिया र र म्याकगुफिन पिक्चर्सले गर्नेछ ।
Waiting to join the unit , shoot in delhi , and scrabble championships with Chintuji ..!!!😈..😄..🤩🤩🤩🤩 @chintskap @HoneyTrehan @vivekkrishnani #AbhishekChaubey #HiteshBhatia pic.twitter.com/YCGz03Pc80
— Juhi Chawla (@iam_juhi) September 17, 2018
दिल्लीको पृष्ठभूमि भएको यस फिल्मलाई हितेष भाटियाले निर्देशन गर्नेछन् । भाटिया र सुप्रतिक सेनले अहिले फिल्मको कहानी लेखिरहेका छन् ।
