अक्षय कुमार र रजनीकान्तको मोस्ट अवेटेड फिल्म ‘२.०’ को अफिसियल टीजर सार्वजनिक भएको छ । फिल्मको पोस्टर्सबाट नै स्पष्ट भएको थियो कि फिल्ममा एक्सन र रोमान्स देखाइनेछ ।
यस्तै, फिल्मको टीजर हेरेपछि एक्सन र रोमान्सको हाई लेभलको पनि अन्दाज लगाउन सकिन्छ । तपाईहरुलाई रजनीकान्तको फिल्म 'रोबोट' त यादै होला । '२.०' त्यसैको सिक्वेल हो ।
यो फिल्ममा अक्षय भिलेनको भूमिकामा छन् । पहिला रिलिज भएको पोस्टरमा उनको अहिलेसम्मकै खतरनाक लुक बाहिर आएको थियो । यसमा उनले डाक्टर रिचर्डको रोल निभाएका छन् ।
यस्तै, रजनीकान्त एकपटक फेरि रोबोट चिट्टी र साइन्टिस्ट वसीकरणको रुपमा फर्किएका छन् । फिल्ममा स्तरिय स्पेशल इफेक्ट्सको प्रयोग गरिएको छ ।
टीजर हेर्नुहोस् :-
एस.शंकरको निर्देशनमा बनेको उक्त फिल्म भारतीय फिल्म इतिहासको सबैभन्दा महंगो फिल्म हो । मिडिया रिपोर्ट्सका अनुसार, फिल्म ५ सय करोड बनेको छ ।
यो फिल्मको भिएफएक्समा मात्र ७५ मिलियन डलर अर्थात् ५ सय ४४ करोड खर्च गरिएको छ । फिल्म २९ नोभेम्बर २०१८ मा रिलिज हुँदैछ ।
