घरेलू बजारमा प्रदर्शनको दिनदेखि सुखद कलेक्सन गरिरहेको मल्टिस्टारर फिल्म ‘रामकहानी’ लाई बुधवार परेको हिन्दु महिलाहरुले परम्परागत हरितालिका तीजको सार्वजनिक बिदाले ठूलो फाइदा पुगेको छ ।
.jpg)
बिहानैदेखि राजधानी भित्र र बाहिरका मल्टिप्लेक्स र सिंगल पर्दा हाउसफुल रहेको वितरक सुनिल मानन्धरले बताएका छन् । उनले तिजको दिनको ब्यापारलाई आक्रामक भनेका छन् ।
तीन दिने विकेन्डमा करोड ग्रस कलेक्सन गरेको यो फिल्मले बुधवार बिदाको मौकामा ८० लाख कमाई गर्ने वितरक मानन्धरको अनुमान छ । उनका अनुसार, दिनहुँ फिल्मले हल संख्या पनि बढाइरहेको छ ।
.jpg)
शुक्रवारबाट प्रदर्शनमा आएको उक्त फिल्म दर्शकसँग बसेर हेर्न र प्रतिक्रिया बुझ्न नायिका पूजा शर्मा, नायक आकाश श्रेष्ठ र कलाकार शोभित बस्नेत चितवन पुगेका छन् । बुधवार चितवनका अधिकांश हल हाउसफुल रहेको पूजाले बताइन् ।
चितवनको जलमा, इन्द्रदेव, गणेश लगायतका हलमा दर्शकको भीड देखिएको छ । पूजा र आकाशले दर्शकसँग तस्बिर खिचाउँदै फिल्म मन पराइदिएको भन्दै धन्यवाद समेत दिए ।
'वड अफ माउथ' निकै राम्रो मिलिरहेका कारण फिल्म हेर्ने दर्शकको संख्यामा दिनप्रतिदिन वृद्धि भइरहेको छ । दर्शकको साथ र मायाको ऋणी रहेको निर्मात्री समेत रहेकी पूजाको भनाई छ ।
(1).jpg)
उक्त फिल्ममा केदार घिमिरे, जितु नेपाल, विल्सन विक्रम राई, रविन्द्र झा, राजाराम पौडेलेलगायतका कलाकारहरुको पनि अभिनय छ । निर्देशक सुदर्शन थापाले नै फिल्मको कथा लेखेका हुन् ।
