सुपरस्टार रजनीकान्त र अक्षय कुमारको मोस्ट अवेटेड फिल्म ‘२.०’ को चर्चा लामो समयदेखि भइरहेको छ । एस.शंकरको निर्देशनमा बनेको उक्त फिल्म बजेटलाई लिएर पनि चर्चामा आएको थियो ।
यो भारतीय फिल्म इतिहासको सबैभन्दा महंगो फिल्म हुनेछ । मिडिया रिपोर्ट्सका अनुसार, फिल्मको बजेट पहिला ४ सय करोड थियो, तर पछि बढेर ५ सय करोड भएको छ । हालै अक्षयको एक पोस्टले सबैलाई चकित बनाएको छ ।
खासमा उनले फेरि ‘२.०’ को एक पोस्टर शेयर गरेका छन् । पोस्टरबाट यो कुराको जानकारी दिइएको छ कि फिल्मको भिएफएक्समा ७५ मिलियन डलर अर्थात् ५ सय ४४ करोड खर्च गरिएको छ ।
फिल्म गएको दिपावलीमा रिलिज हुने बताइएको थियो, तर भिएफएक्सको काम पूरा नभएका कारण रिलिज पोस्टपोन्ड भएको थियो । अक्षयले पोस्टर शेयर गर्दै लेखेका छन्, ‘२.०’ दुनियाँ भरका ३ हजार टेक्निसियनको कडा मिहिनेत हो ।’
अबको दुई दिनमा यस फिल्मको टीजर रिलिज हुँदैछ । फिल्म '३डी' मा पनि छ । फिल्मलाई '३डी' को लेटेस्ट क्यामेराले सुट गरिएको हो । फिल्ममा अक्षय नेगेटिभ रोलमा देखिनेछन् ।
यो फिल्म वर्ष २०१० मा रिलिज भएको तामिल फिल्म ‘एन्तिरम’ अर्थात् ‘रोबोट’ को सिक्वेल हो । फिल्म २९ नोभेम्बर २०१८ मा रिलिज हुँदैछ । यो फिल्मले रिलिज अगाडि नै ११० करोड कमाई गरिसकेको छ ।
