बलिउड अभिनेत्री कंगना रनौतको प्रतिक्षीत फिल्म ‘मणिकर्णिका’ रिलिज अगाडि नै विवादमा तानिएको छ । यसको ताजा कारण सोनू सूद फिल्मबाट बाहिरिनु हो । उनले फिल्मको कयौं सिन सुट गरिसकेका थिए ।
अब उनले फिल्म छाडेपछि सम्पूर्ण सिन रिसुट गर्नु पर्ने भएको छ । मिड डेको रिपोर्ट अनुसार, रिसुटका लागि निर्माताको २० करोड एक्स्ट्रा खर्च हुने भएको छ । १० दिनको प्याचवर्क सुट अब ४५ दिनकोे बनेको छ ।
कयौं सिन फेरि दोहोर्याएर सुट गर्नु पर्नेछ । सुत्रका अनुसार, पहिलो स्क्रिनिङको क्रममा प्रोड्यूसर्सले राइटर केवी विजेन्द्र प्रसादको स्क्रिप्ट अनुसार फिल्म नबनेको पाएका थिए । जसकारण दोस्रो पटक रिसुट गर्नु परेको थियो ।
प्रोड्यूसर्ससँग मिटिङपछि फेरि सुटिङका लागि २० करोड निकासा गरिएको छ । सोनू सूदले फिल्म छाडेपछि यतिबेला माहोल खुब गर्माएको छ । दुवै एक्टर्सको यस मुद्धामा बयान बाहिर आएको छ ।
केही दिन अगाडि कंगनाले एक अन्तर्वार्तामा भनेकी थिइन्, 'गएको वर्षको अन्त्यमा सुट गरेपछि म सोनू सूदसँग मिलेको छैन । उनी 'सिम्बा' फिल्मको सुटिङमा व्यस्त थिए । सोनू मेरो साथी हो र उसको आग्रहलाई स्विकार गर्दै मैले उसको फिल्मको म्यूजिक पनि लञ्च गरेको थिएँ, जुन उनी आफैंले निर्माण गरेका थिए ।'
कंगनाले सोनूसँग फिल्मका लागि डेट्स नभएको र महिला निर्देशकसँग काम गर्न नचाहेको पनि बताएकी छन् । हालै सोनूले एक सेटमा दुई निर्देशकसँग काम गर्न नसक्ने भएर फिल्म छाडेको बताएका छन् ।
