हरेक फिल्ममा नयाँ हिरोइनसँग रोमान्स गर्दै आइरहेका सुपरस्टार अनमोल केसीको आठौं प्रोजेक्ट ‘ब्याचलर बन्टी’ का लागि लिड हिरोइन फाइनल गरिएको छ । उनको फेरि एकपटक नयाँ हिरोइनसँग जोडी बाँधिने भएको छ ।
फिल्ममा अनमोलको अपोजिटमा नव-अभिनेत्री उकुसा गिरी अनुबन्ध भएकी छन् । मिस एसिया नेपाल (बेस्ट पसर्नालिटी), मिस एसिया (मिस ब्युटीफूल आइज), मिस एसिया २०१७ की विजेता समेत रहेकी उनले यही फिल्मबाट अभिनयमा डेब्यु गर्न लागेकी हुन् ।
हालै उकुसा र निर्माता सुदिप खड्कावीच औपचारिक सम्झौता भएको छ । दशैंपछि छायांकन सुरु हुने ‘ब्याचलर बन्टी’ लाई मिलन चाम्ले निर्देशन गर्दैछन् । कमेडी/लभस्टोरी जानरामा निर्माण हुने फिल्ममा अनमोल बनिष तिमल्सेना उर्फ 'बन्टी' को भूमिकामा देखिनेछन् ।
.jpg)
फिल्मको सम्पूर्ण छायांकन यूरोपमा हुने निर्देशक चाम्सले बताए । महंगो लागतमा निर्माण हुन लागेको फिल्मको प्रदर्शन मिति फागुन १७ गतेलाई तोकिएको छ । अनमोलले 'ए मेरो हजुर ३' पछि यो फिल्मको सुटिङ ज्वाइन गर्ने बताइएको छ ।
