शुक्रवारबाट प्रदर्शनमा आएको फिल्म ‘ब्ल्याक’ का कारण अभिनेत्री आँचल शर्मा अहिले चर्चामा छिन् । घरेलू बजारमा सुखद व्यापार गरिरहेको यो फिल्ममा उनको जोडी अभिनेता आकाश श्रेष्ठसँग बाँधिएको छ ।
 (1).JPG)
पहिलो पटक उनले अभिनेता पल शाहको छायाँ समेत नपरेको फिल्ममा काम गरेकी हुन् । डेब्यु फिल्म 'नाईं नभन्नू ल ४' देखि तेस्रो फिल्म 'शत्रु गते' सम्म आइपुग्दा उनको जोडी पल थिए ।
 (2).JPG)
म्यूजिक भिडियोदेखि लगातार फिल्म पनि सँगै गर्दा मिडियादेखि चिया पसलसम्म यी दुईको अफेयरको चर्चा छ । तर दुवैले एकअर्कालाई साथी बताउँछन् । आइतवार आँचलले आफू अभिनीत फिल्म ‘ब्ल्याक’ देखाउन पललाई लिएर कुमारी हल पुगेकी थिइन् ।
 (3).JPG)
पलले फिल्म हेरेर निस्कँदै गर्दा आँचल र आकाशको जोडी सुहाएको बताए । उनले फिल्म राम्रो बनेको भन्दै दर्शकलाई हेर्न पनि आग्रह गरे । उता अभिनेत्री आँचल शर्मा र अभिनेता आकाश श्रेष्ठ ‘ब्ल्याक’ हेर्ने दर्शकबाट उत्साहजनक प्रतिक्रिया पाएको भन्दै दंग देखिएका छन् ।
 (4).JPG)
प्रदर्शनको दिन राजधानीको कुमारी हलमा फिल्मको प्रेस शो राखिएको थियो । जहाँ आँचल फिल्मको नाम झैं ब्ल्याक ड्रेसमा पुगेकी थिइन् । कालो पहिरनमा कुल देखिएकी उनी फिल्मलाई लिएर उत्साहित देखिएकी थिइन् ।
 (5).JPG)
युवा पुस्तामाझ राम्रो फ्यान फलोइंग बनाएकी आँचल शनिवार दिउँसो ‘ब्ल्याक’ को फिडब्याक बुझ्न राजधानीका केही हल पुग्दा सेल्फी लिनका लागि दर्शकबीच नै तछाडमछाड चलेको थियो । उनी फिल्मले बक्सअफिसमा सफलताको झन्डा फहराउनेमा विश्वस्त छिन् ।
फोटोग्राफर : विवेक बस्याल
