नेपाल प्रदर्शन अगावै अभिनेता आर्यन अधिकारी र अभिनेत्री सृष्टि श्रेष्ठ स्टारर फिल्म ‘बाँध मायाले’ लाई विदेशमा भ्याइ–नभ्याइ हुन थालेको छ । नेपालमा असोज ५ गतेबाट प्रदर्शनमा आउन लागेको यो फिल्मको शनिवार मात्र अष्ट्रेलियामा पहिलो वल्र्ड प्रिमियर भएको छ ।
.jpg)
अष्ट्रेलियाको इभेन्ट सिनेमा वरउडमा भएको प्रिमियर शोमा अभिनेता अधिकारी सहभागी भएका थिए । फिल्मका सह निर्माता महेन्द्र अधिकारीले त्यहाँको प्रिमियर शो गर्ने व्यवस्था मिलाएका हुन् । आइतबार पनि अष्ट्रेलियाको हर्टसभिलमा फिल्मको शो राखिएको छ ।
'पहिलो प्रिमियरमा सहभागीले फिल्मलाई मन पराउनु भयो' पहिलो वल्र्ड प्रिमियर बारे आर्यनले भने, 'यहाँको प्रतिक्रियाले हामीलाई हौसला मिलेको छ ।' अष्ट्रेलियापछि यही अगस्ट २८ तारिखमा बाँध मायालेको शो अमेरिकास्थित सान्फ्रान्सिस्कोमा हुँदैछ ।
.jpg)
सविर श्रेष्ठले निर्देशन गरेको फिल्म 'बाँध मायाले' मा आर्यन र सृष्टिसँगै राजाराम पौडेल, रविन्द्र प्रताप सेन, विशाल चाम्लिङ र नव नायक किशोर खड्काको अभिनय छ । रामहरी धिताल र बिभिषिका श्रेष्ठको संयुक्त निर्माण रहेको फिल्ममा महेन्द्र अधिकारी र केदार धिताल सह निर्माताको रुपमा रहेका छन् ।
