साउन ११ गतेलाई प्रदर्शन मिति तय गरिएको फिल्म ‘चिँ मुसी चिँ’ को अडियो जुकबक्स रिलिज भएको छ । यो फिल्ममा पाँचवटा गीत समावेश छन् । 'आउँ आज', 'चिँ मुसी चिँ', 'सानो सानो कुरा', 'तिमीले माग्छौ भने' र 'हाँस्दा हाँस्दै' बोलका गीत फिल्ममा समावेश छन् ।
शिर्ष गीतमा सन्तोष पोखरेलका शब्द तथा करण राज कार्कीको संगीत र सुजाता पाण्डेको स्वर रहेको छ । 'सानो सानो कुरा' गीतमा सुरज अधिकारीको शब्द-संगीत तथा तारा प्रकाश लिम्बुको स्वर छ ।
'तिमीले माग्छौ भने' बोलको गीतमा सुरज अधिकारीकै शब्द-संगीत छ भने अञ्जु पन्त र यूवराज चौलागाईँको स्वर रहेको छ । 'आउँ आज' गीतमा शब्द तथा संगीत सुरज अधिकारीको रहेको छ भने अलमोडाले स्वर दिएका छन् ।
'हाँस्दा हाँस्दै' गीतमा रेगन क्षेत्रीको शब्द-संगीत तथा शारिका घिमिरेको स्वर रहेको छ । ‘चिँ मुसी चिँ’ र 'तिमीले माग्छौ भने' बोलका गीतको भिडियो भने यसअघि नै यूट्युबमा रिलिज भईसकेका छन् ।
यो फिल्मलाई निर्देशक दिनेश श्रेष्ठले लेखन तथा निर्देशन गरेका हुन् । निर्मातामा अरुण कुमार गुरुङ, महेश्वर खत्री, सुबास भुर्तेल, डब बहादुर गुरुङ छन् । यस्तै, कार्यकारी निर्मातामा शिवराज कार्की छन् भने अनिल पाण्डे र प्रिन्स युवराज कार्की प्रस्तुतकर्ता हुन् ।
फिल्ममा सुरज अधिकारीको संगीत रहेको छ । बासु न्यौपानेले खिचेको फिल्मको सम्पादन भूपेन्द्र अधिकारीले सम्हालेका छन् । ‘चिँ मुसी चिँ’ मा सुनिल क्षेत्री, सुशान्त कार्की, अलिशा शर्मा, शिवराज कार्की, शेखर अधिकारी, कमली वाइवालागयतका कलाकारहरुको अभिनय छ ।
अडियो जुकबक्स :-