बलिउड अभिनेता रणवीर सिंहको नयाँ फिल्म ‘सिम्बा’ हो । अचेल यो फिल्मको छायांकन चलिरहेको छ । यो फिल्ममा उनी 'संग्राम भालेराव' को भूमिकामा देखिँदैछन् । यस फिल्मका निर्देशक रोहित शेट्टी हुन् ।
फिल्मको सेटबाट रणवीर सिंहले आफ्नो लुक्स सार्वजनिक गरेका छन् । रणवीर द्वारा शेयर गरिएको तश्बिरमा उनी ब्लू कलरको सर्ट र पेन्समा देखिएका छन् । उनको यो लुक्स अजय देवगनको फिल्म ‘सिंघम’ को लुक्ससँग धेरै हदसम्म मिल्दोजुल्दो छ ।
‘सिम्बा’ मा रणवीर एंग्री पुलिस अफिसरको भूमिकामा देखिँदैछन् । तश्बिर शेयर गर्दै रणवीरले लेखेका छन्, 'रोहित शेट्टीको हिरो ।' फिल्ममा रणवीरका अलावा सारा अली खान लिड रोलमा छिन् । रणवीर र साराको यो फिल्म २८ डिसेम्बरमा रिलिज हुँदैछ ।
‘सिम्बा’ साउथ फिल्म 'टेम्पर' को रिमेक हो, जसमा जूनियर एनटीआर र काजल अग्रवाल मुख्य भूमिकामा थिए । फिल्मलाई रोहित र करन जोहरले संयूक्त रुपमा निर्माण गर्दैछन् ।
