.jpg)
अभिनेता अनुप विक्रम शाही र अभिनेत्री शिल्पा पोखरेल स्टारर फिल्म ‘वीराङ्गना’ को चार पोस्टर सार्वजनिक भएको छ । असार २९ गतेलाई प्रदर्शन मिति तय गरिएको फिल्मको पोष्टरमा अनुप र शिल्पासँगै अभिनेता पृथ्वी राज प्रसाईँ फिचर छन् ।
पोस्टरमा शिल्पालाई घोडा र बाँदरसँगै एक्सन लुक्समा देख्न सकिन्छ । एक्सन जनराको नारी प्रधान भनिएको यस फिल्ममा राज बहादुर सानेको निर्देशन, हरिबोल लामाको छायांकन र तारा थापाको सम्पादन छ ।
उक्त फिल्ममा बाबुराम दास, श्याम बहादुर थापा, रघु परियार, देव तामाङ र विमला भट्ट निर्माता तथा सह-निर्मातामा सुमि चाम्लिङ राई रहेका छन् ।
र्फोथ आई मुभिजको ब्यानरमा निर्माण भएको ‘वीराङ्गना’ मा धिरेन शाक्य, प्रज्वल गिरी, प्रिया रिजाल, ध्रुव कोईराला, सुशिल पोखरेललगायतको पनि अभिनय रहेको छ ।
.jpg)
निर्देशक सानेले सिमाना क्षेत्र र अपराध नियन्त्रणमा सशस्त्र प्रहरीले पुर्याएको योगदान र महिला सशस्त्र प्रहरीको वीरताको बारेमा फिल्मले बोलेको बताए । अनुप र शिल्पा फिल्ममा आफ्नो भूमिकालाई लिएर उत्साहित देखिएका छन् ।
