हलिउड फिल्ममा ‘आइरन म्यान’ को भूमिका निर्वाहा गरेका रोबर्ट ड्राउनी जुनियरको 'आइरन म्यान' सूट चोरी भएको छ । 'आइरन म्यान' को गोल्ड एण्ड रेड कलरको सूट हराएको हो ।
लस एन्जेलिस पुलिसले यसको पुष्टि गरेको छ । पुलिसले भन्यो, 'रोबर्ट ड्राउनी जुनियरले लगाएको गोल्ड एण्ड रेड सूट चोरी भएको छ । यो सूट एक्टरले २००८ को ओरिजनल सुपरहिरो फिल्ममा लगाएका थिए ।'
मंगलवार स्टोरेज फेसेलिटीबाट यो गायब भएको हो । पुलिस यो आइकनिक 'आइरन म्यान' सूटको खोजीमा जुटेको छ । पुलिसले डिटेक्टिभको पनि मद्दत लिएको छ ।
चोरी भएको 'आइरन म्यान' को सूटको मूल्य ३२५,००० डलर अर्थात्, नेपाली झण्डै ३ करोड ५० लाखभन्दा बढी पर्दछ । जहाँ यो सूट राखिएको थियो त्यहाँ काम गर्ने कर्मचारीका अनुसार सूट फेव्रअरी र २५ अप्रिलको बीच गायब भएको हो ।
चोरी भएको सूट रोबर्ट ड्राउनी जुनियरले पहिएको पहिलो 'आइरन म्यान' कस्ट्यूम हो । यो उनले १० वर्ष अगाडि लगाएका थिए । रोबर्ट ड्राउनी जुनियर हालैमा रिलिज भएको 'एभेन्जर्स : इन्फिनिटी वार' मा देखिएका छन् ।
Call in The Avengers -- someone has stolen Iron Man's suit.
— AFP news agency (@AFP) May 10, 2018
The gold and red suit from the original 2008 superhero smash hit is reported missing https://t.co/sNctbLTaHM
📷US actor Robert Downey Jr. poses by a life-size Iron Man model in 2008 pic.twitter.com/AdX65euMgB
