साउथ फिल्म इन्डस्ट्रीका सुपरस्टार महेश बाबू पछिल्लो समय आफ्नो फिल्म 'भारत अने नेनु' का कारण चर्चामा छन् । यो फिल्म २० अप्रिलबाट रिलिज भएको छ भने दर्शकले यसलाई निकै रुचाएका छन् ।
'भारत अने नेनु' लाई लिएर फ्यानमा निकै क्रेज देखिएको छ र यो फिल्मले मात्र २ दिनमा सय करोडको कारोबार गरेको छ । वर्ष २०१८ को सबैभन्दा चाँडो सय करोड क्लबमा इन्ट्री हुने यो पहिलो फिल्म बनेको छ ।
महेश बाबू आफ्नो नयाँ फिल्मको सक्सेसबाट निकै खुसी छन् । यो फिल्म 'बाहुबली' पछि सबैभन्दा ठूलो हिट साबित हुने अनुमान लगाइएको छ । यो फिल्मले रिलिज अगाडि नै १०३ करोडको विजनेश गरेको थियो र अब रिलिजको दुई दिनमा फिल्मले सय करोड कमाएको छ ।
भारतमा मात्र नभएर विदेशमा पनि यस फिल्मलाई दर्शकले उतिक्कै रुचाएका छन् । यो फिल्मको बढी जसो शो हाउसफुल भइरहेको छ । यसमा महेश बाबूले आन्ध्र प्रदेशको सीएमको भूमिका निर्वाहा गरेका छन् ।
प्रदर्शनको पहिलो दिन ५६ करोडको कलेक्सन गरेको उक्त फिल्ममा महेशको अपोजिटमा ‘एम.एस धोनी- अ एनटोल्ड स्टोरी’ फेम कियारा आडवाणी लीड रोलमा छिन् ।
