जेष्ठ ४ गतेलाई प्रदर्शन मिति तय गरिएको फिल्म ‘हैरान’ को शीर्ष गीत सार्वजनिक गरिएको छ । नयाँ वर्ष २०७५ को उपहार स्वरुप निर्माण टिमले सार्वजनिक गरेको गीतमा शब्द र संगीत सत्यराज आचार्य र स्वरूपराज आचार्यको रहेको छ ।
सत्य-स्वरूपले सरगम आचार्य र बबिता मनाधरसँग मिलेर उक्त गीत गाएका छन् । गिरिश खतिवडाको र्याप रहेको छ भने यसलाई राजन इशानले एरेञ्ज गरेका हुन् ।
.jpg)
गम्भीर विष्टको कोरियोग्राफीमा तयार गीतको भिडियोमा सरोज खनाल, सत्यराज आचार्य, निर्मल शर्मा, गजित विष्ट, सागर लम्साल (बले), निश्मा घिमिरे, एन्जल राई, शिशिर भण्डारी, आरोही शर्मा लगायतका कलाकार फिचर छन् ।
विश्कै कान्छा निर्देशक सौगात विष्टको निर्देशनमा तयार भएको फिल्मलाई कमेडी जनरमा तयार पारिएको छ । डेब्यु फिल्म ‘लभ यु बाबा’ मार्फत नै सौगात विश्वका कान्छा निर्देशक घोषित भएका थिए ।
‘हैरान’ मा सामाजिक विषयवस्तुलाई समेटिएको निर्माण पक्षले जनाएको छ । डान्स फेभरको ब्यानरमा निर्मित फिल्ममा मुक्ति घले, सृष्टि घिमिरे, डाक्टर वाई एल लामा निर्माता रहेका छन् भने सम्झना पोखरेल कार्यकारी निर्मात्री रहेकी छिन ।
भिडियो :-
फिल्मका कथा तथा कोरियोग्राफी गम्भीर बिस्ट, द्वन्द चन्द्र पन्त, संगीत सत्यराज आचार्य, स्वरूपराज आचार्य, किरण कँडेल, राजन इशान र सन्तोष श्रेष्ठ रहेका छन् ।
फिल्ममा नवराज उप्रेती र निरज कडेलको छायांकन, अमित श्रेष्ठको मिक्सिङ र ब्याक ग्राउण्ड स्कोर, अनन्त घिमिरेको कलर र भीएफएक्स, प्रितम पाण्डेको सम्पादन रहेको छ ।
