.jpg)
करीब २ वर्ष अगाडि प्रदर्शनमा आएको व्यापारिक तथा समिक्षात्मक रुपमा सफल फिल्म ‘झोला’ का निर्देशक यादवकुमार भट्टराईद्वारा निर्देशित फिल्म ‘भोर’ को अफिसियल ट्रेलर सार्वजनिक भएको छ ।
नयाँ वर्ष २०७५ को छेकोमा सार्वजनिक गरिएको ट्रेलरमा दाइजो प्रथाको कथा झल्काइएको छ । फिल्मले मधेशको सबैभन्दा ठूलो समस्या दाइजो प्रथाको यथार्थ कथा बोल्छ ।
बैशाख २१ गतेबाट प्रदर्शनमा आउन लागेको ‘भोर’ को कथा कथाकार कृष्ण धरावासीले लेखेका हुन् । सोहि कथालाई निर्देशक भट्टराईले पटकथामा ढालेका छन् ।
फिल्ममा डली सरकार, रामनारायण ठाकुर, अनिता रानी मण्डल, राजेश सक्सेना, बि एन पटेल, डली सरकार, प्रमेश झा, बटुक राज मिश्र, अनिता देव, पुजा कर्ण लगायत कलाकारहरु प्रमुख भूमिकामा छन् ।
ट्रेलर हेर्नुस् :-
फिल्मका कार्यकारी निर्माता देबेन्द्र प्रसाद सुवेदी हुन् । दिपक बज्राचार्यले छायांकन गरेको फिल्म ‘भोर’ का निर्माता राज तिमल्सिना र राम गोपाल थापा हुन् ।
