सुपरस्टार सलमान खानलाई जोधपुरको अदालतले शनिवार धरौटीमा रिहा गरेको छ । कालो हरिण शिकारको मुद्धामा उनलाई जोधपुरको स्पेशल कोर्टले ५ वर्षको जेल सजाय सुनाएको थियो । सलमान बिहीवारदेखि जोधपुर सेन्ट्रल जेलमा बन्द थिए ।
शनिवार सेशन्स कोर्टले उक्त मुद्धामा सुनवाई गर्दै दुई वटा कालो हरिण मारेको हुनाले खानलाई २५/२५ हजारको दरले धरौटी रकम भर्न लगाएको छ । जेलबाट रिहा भए लगत्तै उनी घर मुम्बईका लागि सिधै एयरपोर्ट पुगेका थिए ।
सलमानका हजारौं प्रशंसकले उनको घरको सामुन्ने खुसीयाली मनाएका छन् । घर पुगेर उनले आफ्ना फ्यानलाई हात हल्लाउँदै धन्यवाद व्यक्त गरे ।
जेलबाट एयरपोर्ट जाने बाटोमा सलमानको एक झलक हेर्नका लागि प्रशंसकको ठूलै भीड लागेको थियो । उनका फ्यानले बाटोमा गुलाबको फूल ओछ्याएका थिए ।
कोर्टले सलमानलाई ७ मेमा अदालतमा उपस्थित हुने आदेश दिएको छ । अदालतबाट जमानत मिले पनि अब उनी बिना कोर्टको परमिशन देश बाहिर जान पाउने छैनन् ।
आसारामले भनेपछि सलमानले लिए यस्तो निर्णय
बलिउड एक्टर सलमान खान बिहीवारबाट जोधपुरको सेन्ट्रल जेलमा बन्द थिए । उनलाई आसारामसँग 'ब्यारेक नम्बर २' मा राखिएको थियो । खबरअनुसार, सलमानले त्यहाँ आसारामसँग कुराकानी पनि गरेका छन् ।
त्यही सलमानले आसारामको एक कुरा मानेका छन् र उनले यो वचन दिएका छन् कि अब उनले कहिले त्यस्तो गल्ती गर्ने छैनन् ।
सुत्रका अनुसार, सलमानलाई जेलमा सिगरेट लिँदै गएको देखेपछि आसारामले भने, 'सिगरेट लिन छाडिदेऊ ।' र, उनले वचन दिए, 'अब कहिल्यै सिगरेट लिने छैनँ ।'
