सलमान खान बलिउडका सुपरस्टार हुनुको साथसाथै दोस्रो कलाकारलाई स्टार बनाउन पनि माहिर छन् । मिडिया रिपोर्ट्सका अनुसार, सलमान यतिबेला सनी देओलका भाई बबी देओलको करिअर सुधार्न लागीपरेका छन् ।
बबी ‘रेस ३’ मा सलमानसँग देखिँदैछन् । यस फिल्मको सुटिङको क्रममा बबीको काम देखेर दबंग खान खुसी भएका थिए । खबरअनुसार, सलमानले आफ्नो नयाँ दुई फिल्ममा उनलाई अनुवन्धित गर्ने तयारी थालेका छन् ।
सलमानको नयाँ फिल्म ‘भारत’ र ‘किक २’ हो । बबीलाई लिएर यस्तो खबर बाहिर आएको छ, जुन सुनेर उनका फ्यान खुसीले गदगद हुनेछन् ।
केही हप्ता अगाडि ‘किक २’ को घोषणा गरिएको थियो र निर्माता साजिद नाडियाडवालाले यो फिल्म अर्को वर्षको क्रिसमसमा रिलिज गर्ने जानकारी दिएका थिए ।
भारतीय मिडियाका अनुसार, सलमानले यस फिल्मका लागि साजिदसँग बबीलाई लिनका लागि आग्रह गरेका छन् ।
यस्तै, सलमानको नयाँ फिल्म ‘भारत’ मा पनि बबी देखिने सम्भावना प्रवल छ । उनले हालैमा बबी देओलका लागि फिल्म ‘यमला पगला दीवाना फिर से’ का लागि एक स्पेशल गीतको सुटिङ गरेका थिए ।
