नेपालमा सुखद कलेक्सन गर्न चुकेको बायोपिक फिल्म ‘ब्लाइन्ड रक्स’ अब विदेशका विभिन्न देशहरुमा प्रदर्शन हुने भएको छ । युके र अमेरिकासँगै सिङ्गापुर, अस्ट्रेलिया, क्यानाडा, साईप्रस, ब्रुनाई, जर्मनीलगायतका देशमा फिल्मको प्रदर्शन कन्फर्म भएको छ ।
अहिले आठ देशमा शो पक्का भएको र अन्य विभिन्न देशहरुमा हल बुकिङको पखाईमा रहेको निर्माता निकेश लिम्बुले बताए । नेपालमा प्रदर्शन हुनु अगावै युकेमा १८ शो भइसकेपनि दर्शकको मागले पुनः प्रदर्शन गरिने निर्माता लिम्बु बताउँछन् ।
.jpg)
दृष्टिविहीन युवती सृष्टि केसीको जीवनमा आधारित भएर निर्माण भएको ‘ब्लाइन्ड रक्स’ लाई मिलन चाम्सले निर्देशन गरेका हुन् । नायिका बेनिशा हमालले पर्दामा सृष्टिको भूमिका निर्वाहा गरेकी छिन् । फिल्ममा अर्पण थापा, गौरी मल्ल, अनिल शाह, बसन्त भट्टको समेत मुख्य भूमिका छ ।
एन फिल्मस क्रिएसन र चाम्स इन्टरटेनमेन्टको ब्यानरमा फिल्म निर्माण भएको हो । नवराज कृष्ण थापाको छायांकन, अर्जुन जिसीको सम्पादन रहेको फिल्मको कथा यम थापा र सुमन उप्रेतीले तयार पारेका हुन् ।
