यस वर्षको हिट फिल्म ‘दुई रुपैयाँ’ को सिक्वेल निर्माण हुने खबर केहीदिन यता नेपाली सिनेवृतमा 'हट केक' बनिरहेको छ । तर, यो कुरालाई अभिनेता आसिफ शाह सिधै नर्काछन् । यस्तैमा ‘दुई रुपैयाँ’ कै टिमले नयाँ फिल्म निर्माण गर्ने भएको छ, ‘डामाडोल’ ।
फिल्मको यतिबेला स्क्रिप्टको काम भइरहेको र बैशाख १५ बाट छायांकन सुरु हुने बताइएको छ । फिल्ममा आसिफ र निश्चल बस्नेत प्रमुख भूमिकामा हुनेछन् । नायिका छनौट भने भइसकेको छैन ।
जी ट्वान्टी वान पिक्चर्स र ब्ल्याक हर्स प्रोडक्सनको ब्यानरमा निर्माण हुने ‘डामाडोल’ लाई ‘दुई रुपैयाँ’ फेम निर्देशक असिम शाहले नै निर्देशन गर्नेछन् ।
फ्लोरमा जानु अगावै निर्माण टिमले फिल्मको प्रदर्शन मिति समेत तय गरेको छ । निर्देशक शाहका अनुसार, फिल्मलाई वर्ष २०७५ को असोज ५ गते प्रदर्शनमा ल्याइनेछ ।
