प्रदर्शन मिति घोषणा नभइसकेको फिल्म ‘मिस्टर भर्जिन’ को ‘टुल्की’ बोलको गीत सार्वजनिक भएको छ । केही दिन अगाडि सार्वजनिक गरिएकोे अडियो गीतबाट राम्रो प्रतिक्रिया आएपछि निर्माण युनिटले आइतवार राजधानीमा एक कार्यक्रमका बीच उक्त गीतको भिडियो सार्वजनिक गरेको हो ।
गीतमा सुरज पण्डितको स्वर, शब्द र संगीत रहेको छ । ‘टुल्की’ लाई नेपालको सुदूरपश्चिम तथा मध्यपश्चिम क्षेत्रमा गाइने देउडा फ्लेवरमा तयार पारिएको छ ।
भिडियोमा गौरव पहारी, स्मृती पोखरेल, श्रद्धा प्रसाईँ, विजय बराल, कमलमणी नेपाललगायतका कलाकारहरु फिचरिङ छन् । १ करोड लागतमा निर्माण भएको यो फिल्मले तीन युवाको यौन मनोविज्ञानको कथा बोल्छ ।
फिल्ममा मरिष्का पोखरेल, भोलाराज सापकोटा, रविन्द्र झा, सागर ढकाल, सिर्जना सुब्बा लगायतका कलाकारको पनि अभिनय छ ।
‘मिस्टर भर्जिन’ मा महेश दवाडीको कथा, रामेश्वर कार्कीको छायांकन, विक्रम स्वाँर र दीपकमान सिंहको कोरियोग्राफी र सुरज पण्डित, श्रीकृष्ण बम मल्ल, बुलेट फ्लो, आधा सुर, आर जे, मिस्टर प्रिन्सको संगीत छ ।
फिल्मलाई वल्र्ड वाइड फिल्म्स डिस्ट्रिव्यूसन प्रा.ली. ले निर्माण गरेको हो । फिल्ममा खिलेन्द्र तिमल्सिना, प्रजापती सिवाकोटी, मुकेश रेग्मी र बिशारद बस्नेतको लगानी रहेको छ भने सह-निर्मातामा सन्दिप उप्रेती रहेका छन् ।
भिडियो :-
