पहिलो पटक अभिनेता अनिल कपूर आफ्नी छोरी सोनम कपूरसँग सिल्भर स्क्रिनमा देखिने भएका छन् । यी दुईले ‘एक लडकी को देखा तो ऐसा लगा’ नामक फिल्ममा सँगै काम गर्न लागेका हुन् ।
यो फिल्मको टाइटल अनिल कपूरको फिल्म ‘१९४२ : लभ स्टोरी’ को पपुलर गीत (एक लडकी को देखा तो ऐसा लगा जैसे) माथि राखिएको छ ।
ट्विटरमा फोटो शेयर गर्दै सोनमले लेखेकी छिन्, ‘पिता र यो टिमको साथका कारण मलाई घर जस्तो माहोल महशुस भएको छ । फिल्मको पहिलो दिनको एक झलक ।’
आफ्नो पितासँग काम गर्न सोनम निकै उत्साहित छिन् । सोनम र अनिलका अलावा फिल्ममा जूही चावला र नेशनल अवार्ड विनर राजकुमार राव पनि छन् ।
सोनम र राजकुमारले यसअघि ‘डली की डोली’ मा एकसाथ काम गरेका थिए । ‘एक लडकी को देखा तो ऐसा लगा’ पिता र छोरीमाथि आधारित छ । यो फिल्मलाई शैली चोपडाले निर्माण गर्दैछिन् ।
