दृष्टिविहिन युवती सृष्टि केसीको जीवनमाथि बनेको बायोपिक फिल्म ‘ब्लाइन्ड रक्स’ ले हङकङ प्रदर्शनका लागि अनुमती पाएको छ । हङकङ सेन्सर बोर्डले फिल्मलाई ‘यूनिभर्सल सर्टिफिकेट’ दिएको छ । नेपाल अघि यो फिल्मको हङकङमा फागुन ६ गते प्रिमियर हुँदैछ ।
फिल्मलाई हङकङस्थित नेपाल चलचित्र एसोसिएसनले प्रदर्शन गर्न लागेको हो । अध्यक्ष राजु राईको संयोजकत्वमा स्थानिय युनलङ हलमा ‘ब्लाइन्ड रक्स’ प्रदर्शन हुनेछ । फिल्मको नेपाल रिलिज भने फागुन १८ गतेलाई तोकिएको छ ।
अभिनेत्री बेनिशा हमालले फिल्ममा सृष्टिको भूमिका निर्वाहा गरेकी छिन् । अर्पण थापा, गौरी मल्ल लगायतका कलाकारको पनि फिल्ममा मुख्य भूमिका छ । मिलन चाम्सले निर्देशन गरेको यो फिल्ममा निकेश लिम्बुको लगानी छ ।
