.jpg)
नायिका शिल्पा पोखरेल स्टारर फिल्म ‘मंगलम’ को अफिसियल ट्रेलर सार्वजनिक भएको छ । ‘पर्ख पर्ख मायालु’ र ‘बम्पर उपहार’ गीत सार्वजनिक भएसँगै एकाएक चर्चामा आएको यो फिल्मको ट्रेलर धेरैका लागि प्रतिक्षामा थियो । फिल्मको ट्रेलर कलरफूल छ ।
रोदन, एक्सन, प्रेम देखाइएको ट्रेलरमा शिल्पाको प्रेममा नायक द्वय पुष्प खड्का र पृथ्वीराज प्रसाइँ ‘दिवाना’ भएका छन् । पुष्पसँग प्रेम हुँदा-हुँदै शिल्पाले पृथ्वीसँग विवाह गर्छिन् । पुष्पलाई प्यारालाइसिस हुन्छ । ट्रेलरमा नायिका साम्राज्ञी राज्यलक्ष्मी शाह पनि अटाएकी छिन् ।
नायिका शिल्पा पोख्रेल प्रस्तुतकर्ता रहेको फिल्मका कार्यकारी निर्माता छविराज ओझा हुन् । फिल्मलाई नवल नेपालले निर्देशन गरेका हुन् ।
फिल्ममा मिथिला शर्मा, नीर शाह लगायतका कलाकारहरुको अभिनय छ । नायिका साम्राज्ञी ‘मंगलम’ मा केमियो भूमिकामा छिन् ।
फिल्मको निर्मातामा दिजेन्द्र शाक्य, साकार ओझा र ओम गुरुङ रहेका छन् भने विष्णु घिमिरेको छायांकन, दिपक शर्माको संगीत, गोविन्द फुँयालको कथा रहेको छ । यो फिल्म फागुन २५ गतेबाट प्रदर्शनमा आउँदैछ ।
ट्रेलर हेर्नुहोस् :-
