बलिउड ‘क्विन’ कंगना रनावटले अब विवाह गर्ने मूड बनाएकी छिन् । लामो समय नायक ऋतिक रोशनसँगको प्रेममा रहेकी उनी अहिले सिंगल रहेको बताउँछिन् । तर, उनले वर्ष २०१९ मा विवाह गर्ने तयारी गरेको बताएकी छिन् ।
केही दिन अगाडि मुम्बईमा भएको 'ल्याक मी फेसन विक' मा प्रस्तुत भएकी कंगनालाई त्यहाँ पत्रकारले बिहेको बारेमा सोधे । सोही बेला उनले आफ्नो विवाहको मिति घोषणा गरेकी हुन् । ‘मलाई अर्को वर्षको फेबु्रअरीसम्म समय दिनुस् । म विवाहित भइसकेकी हुनेछु ।’ उनले भनिन् ।
कंगनाले गएको महिना प्रदर्शनमा आएको फिल्म 'सिमरन' हिट भएको खण्डमा वर्ष २०१७ भित्रै विवाह गर्ने घोषणा गरेकी थिइन् । तर, 'सिमरन' फ्लप भयो ।
फिल्मले बक्स अफिसमा कमाल नगरेका कारण आफ्नो विवाहको मिति पोस्टपोन्ड भएको उनको भनाई छ ।
