वर्ष २०१७ को ब्लकबस्टर फिल्म ‘बाहुबली २’ ले भारतीय फिल्म इतिहासमा किर्तिमानी रेकर्ड बनायो । यो फिल्मका हरेक कलाकारलाई दर्शकले ‘स्टार’ बनाइदिए र निर्देशक एस रामामौलीको यो कल्पनालाई दर्शकले बक्स अफिसको बाहुबली नै बनाइदिए । तर, यो फिल्मका बाहुबली उर्फ एक्टर प्रभास अब फेरि ‘बाहुबली’ बन्न चाहँदैनन् ।
उनले एक कार्यक्रममा मिडियाको सामु भने, ‘बाहुबली मेरो जीवनको सबैभन्दा ठूलो र सार्थक फिल्म हो । जसले मेरो करिअर राम्रो बनाउन निकै मद्दत गरेको छ । यो फिल्मले धेरै दर्शकको प्रशंसा पनि पाएको थियो । तर, अबदेखि म कहिल्यै यस्तो फिल्म गर्दिनँ ।’
उनी अगाडि भन्छन्, ‘यो फिल्म पूरा गर्न ५ वर्ष लागेको थियो । जुन मजस्तो अभिनेताको लागि धेरै लामो समय हो । अभिनेतासँग एकदमै कम समय हुने र थोरै समयमा धेरै फिल्म गर्नुपर्ने हुन्छ । त्यसले म ५ वर्ष लामो समय कुनै पनि फिल्मलाई दिन सक्दिनँ । यो मेरो करिअरका लागि सही हुने छैन ।’
