५० बर्ष पुरानो कथामा बनेको फिल्म ‘पञ्चायत’ को अमेरिकाको भर्जिनिया शहरमा प्रिमियर गरिएको छ। ‘पञ्चायत’को प्रिमियरका लागि भन्दै अभिनेता सरोज खनाल केहीदिन अगाडि मात्र अमेरिका उडेका थिए । आइतवार भएको प्रिमियरमा फिल्मका अभिनेता सरोज खनाल र नायिका नीता ढुंगानाको अभिनयको सबैले तारिफ गरे।
यसअघि अमेरिकाको क्यालिफोर्निया राज्यको सन् फ्रान्सिस्को शहरमा आयोजित ‘सन् फ्रान्सिस्को चलचित्र महोत्सव’मा ‘पञ्चायत’ले बिदेशी भाषाको ‘उत्कृष्ट चलचित्र’ विधामा र ‘उत्कृष्ट मुख्य अभिनेत्री’ विधामा पुरस्कार जित्न सफल भएको थियो ।
.jpg)
चैत्र २ गतेबाट नेपाल प्रदर्शन हुन लागेको यो फिल्ममा नीता र सरोजका अलावा रुपा राना, गीता अधिकारी, गणेश गिरी, जाहान्वी बस्नेत, विशाल पहारी, किरण थापा, राजुबाबु श्रेष्ठ लगायतको अभिनय रहेको छ । फिल्मका कार्यकारी निर्माता रवि अधिकारी हुन् ।
‘पञ्चायत’लाई गणेश गिरीको प्रस्तुतीमा सुशान्त श्रेष्ठ र शंकर सुवेदीले निर्माण गरेका हुन् । टंक बुढाथोकीको संगीत र रामेश्वर कार्कीको छायांकन रहेको फिल्मलाई विपिन मल्लले सम्पादन गरेका हुन्। ‘पञ्चायत’ को लेखन तथा निर्देशन शिवम अधिकारीले गरेका हुन् ।
