(1).JPG)
वैदेशिक रोजगारीको कथा बोल्ने फिल्म ‘अमेरिका ब्वाईज’ को छायांकन सकिएको छ । झापा र काठमाण्डौंमा छायांकन गरिएको फिल्म ६० दिन लगाएर सुट गरिएको हो । निर्माण यूनिटका अनुसार, फिल्मको सुटिङमा नै २ करोड खर्च भएको छ ।
बड्डी इन्टरटेन्मेन्ट र सीबर्ड पिक्चर्सको प्रस्तुतिमा प्रवेश पौडेल निर्देशित फिल्मका कार्यकारी निर्माता प्रकाश भूजेल हुन् । निर्माता भूजेलले फिल्मलाई आगामी जेठ ४ गते प्रदर्शनमा ल्याउने तयारी गरेका छन् ।
‘अमेरिका ब्वाईज’ मा अर्पण थापा, सृष्टि कार्की, सन्दिप क्षेत्री, कामेश्वर चौरासिया, सुनिल थापा, हरिहर शर्मा, अभय बराल, मनिष राउत, रुबि राना, सुवास गजुरेल लगायतका कलाकारले अभिनय गरेका छन् ।
यमूना खरेल र राज केसी फिल्मका सह-निर्माता हुन् । फिल्ममा विवेक पाण्डेको कथा, आलोक शुक्लाको छायांकन तथा दीपक आर.जे र जयान जे. वाइवाको संगीत रहेको छ ।
