पहिलो र दोस्रो संस्करणको सफलतापछि ‘नेपाली स्क्रिप्ट लेखन प्रतियोगिता ३’ आयोजना हुने भएको छ । सन् २०१२ देखि सुरु भएको यो प्रतियोगीतलाई निरन्तर रुपमा 'न्यु नेपाली सिनेमा'ले आयोजना गर्दै आइरहेको छ ।
यस प्रतियोगितामा सहभागिता जनाउन कुनै शुल्क लाग्ने छैन भने बिजेताले ३ लाख पुरस्कार पाउनेछन । आयोजक मनोज अधिकारीले थन्किएका कथालाई उजागर गर्ने उद्येश्यले ‘नेपाली स्क्रिप्ट लेखन प्रतियोगिता ३’को आयोजना गरेको बताए । उनका अनुसार, उत्कृष्ट मध्ये एउटा कथालाई पुरस्कृत गरेर फिल्म पनि निर्माण गरिनेछ ।
यसमा सहभागिता जनाउन न्युनतम एकदेखि तीन पेजको कथा इमेल [email protected] मा पठाउनु पर्नेछ । प्राप्त कथा मध्येबाट निर्णायकले २५ कथा छान्नेछन्, जसलाई तयार पार्न ३ महिनाको समय दिइनेछ । सन् २०१८ को फेब्रुअरी १६ सम्म कथा पठाई सक्नु पर्ने आयोजक अधिकारीले बताए ।
