.JPG)
माघ १९ गतेलाई प्रदर्शन मिति घोषणा गरिएको फिल्म ‘शेरबहादुर’को टीजर सार्वजनिक भएको छ । सार्वजनिक टीजरमा प्रेम, रोमान्स, एक्सन र थ्रिलर बिषयबस्तु समेटिएका छन् । ‘शेरबहादुर’लाई आर राजवंशीले निर्देशन गरेका हुन् । धिराज प्रोडक्सनको व्यानरमा निर्मित यो फिल्ममा प्रमोद क्षेत्रीको कथा छ ।
गौरीशंकर धुनुजु र धिराज राजवंशीको लगानी रहेको फिल्ममा कोशिस क्षेत्रीको शब्द तथा संगीत रहेको छ । फिल्ममा सुनिल थापा, कर्मा, मेनुका प्रधान, रविन्द्र झा लगायतका कलाकारको अभिनय छ । फिल्ममा ‘राते काइला’ उर्फ सुनिल थापाले 'शेरबहादुर'को भूमिका निर्वाहा गरेका छन् ।
‘शेरबहादुर’ एक अवकास प्राप्त आर्मीको कथामा आधारित थ्रिलर जनराको फिल्म हो । ‘जात्रा’ निर्देशक प्रदीप भट्टराईको सह-निर्देशन रहेको फिल्मका सिनेम्याटोग्राफर दीर्घ गुरुङ हुन् । यो फिल्मको करीब ८० प्रतिशत छायांकन एक भव्य सेट तयार गरिएर खिचिएको हो ।
भिडियो :-
