नायक नरेन खड्का अभिनीत फिल्म ‘स्वर्ग मेरो गाउँ’को प्रदर्शन मिति घोषणा गरिएको छ । यो फिल्मलाई माघ १२ गतेबाट प्रदर्शनमा ल्याइने निर्देशक तथा निर्माता रामकृष्ण बजगाइँले जानकारी दिए । गाउँलाई स्वर्ग बनाउन लागी परेका युवाको कथामा फिल्म निर्माण भएको छ ।
फिल्ममा नरेनका अलावा रामकृष्ण बजगाइँ, भावना गुरुङ, शक्शी लम्साल, सुजता थापा, अष्ट महर्जन लगायतका कलाकारहरुको अभिनय छ । नायक नरेन खड्काले ‘स्वर्ग मेरो गाउँ’बाट आफ्नो फिल्मी करिअर उकालो लाग्नेमा आशावादी रहेको बताए । उनले भने, ‘यसपटक गाउँले युवकको भूमिकामा देखिँदैछु । राम्रो फिल्म बनेका कारण दर्शकले मनपराउनुहुन्छ भन्नेमा ढुक्क छु ।’
यसअघि नायक नरेनले ‘परदेशी’, ‘मन्दिरा’, ‘हमेशा’ लगायतका फिल्ममा अभिनय गरिसकेका छन् । पवन गौतमले खिचेको फिल्ममा अष्ट महर्जनको द्वन्द्व निर्देशन छ । गोविन्द राई फिल्मका कोरियोग्राफर हुन् । ‘स्वर्ग मेरो गाउँ’को ट्रेलर र पोस्टर शुक्रवार सार्वजनिक हुँदैछ ।
