वैशाख १४ लाई रिलिज मिति तय गरेको लिलीबिली दुई हप्ता अगाडि आएको छ । स्टकल्यान्डमा धमाधम सुटिङ भइरहेको फिल्मले रिलिज मिति प्रिपोन्ड गरेको हो । फिल्म चैत ३० मा रिलिज हुन लागेको हो । तर निर्माता गोविन्द शाहीले पहिलेदेखि नै फिल्मको रिलिज मिति चैत नै रहेको बताए ।
‘मौसम र प्राविधिक कारणले फिल्म नसकिएला कि भन्ने थियो त्यही भएर वैशाख १४ लाई रिलिज मिति अप्सनमा राखेका थियौं । तर, फिल्मको ६० प्रतिशत सुटिङ सकिएकाले यही वर्ष आउने निधो गरेका हौं,’ शाहीले भने । तर, चैत ३० मै तमिल फिल्म २.० रिलिज हुने सम्भावना छ । माघमा रिलिज हुन लागेको रजनीकान्त ,अक्षय कुमार अभिनित जनवरीबाट सरेर अप्रिलमा पुगेको थियो । यदि २.० निर्धारित मितिमै रिलिज हुने हो भने चाहिँ लिलीबिलीलाई अप्ठ्यारो पर्न सक्छ । २.० बाहुबलीपछि भारतमा प्रतिक्षित फिल्म मानिएको छ ।
लिलीबिलीमा प्रदिप खड्का, प्रियंका कार्की र जसिता गुरुङको अभिनय रहेको छ ।