नायिका ऋचा सिंह ठकुरीले निर्माण र अभिनय गरेको फिल्म ‘सुपर गोर्खे’मा समावेश ‘तिमी नै हौ’ बोलको रोमान्टिक गीतको भिडियो रिलिज भएको छ । तारा प्रकाश लिम्बुको संगीत, ज्ञानेन्द्र ताम्लिङको शब्द रहेको गीतमा गायिका रजनी रिमाललाई संगीतकार लिम्बुले साथ दिएका छन् ।
रामजी लामिछानेले कोरियोग्राफी गरेको गीतको भिडियोमा ऋचा सिंह र नव-नायक सचिन केसी फिचरिङ छन् । राज थापा निर्देशित फिल्म ‘सुपर गोर्खे’मा ऋचा सिंहसँगै सुरज सिंह ठकुरी, निराजन लुईंटेल, भुपेन्द्र क्षेत्री, सचिन केसी, कामना भुजेल, भानुदेव विष्ट, उत्तम विष्ट, विनय दाहाल, सन्तोषी श्रेष्ठ र राजथापाको अभिनय रहेको छ ।
किरण माईकलको लेखन रहेको फिल्मलाई सौरभ लामाले खिचेका हुन् भने द्धन्द्ध निर्देशन चन्द्र पन्तको छ । निर्माताको रुपमा ईश्वरी सिंह ठकुरी, रामकृष्ण र सुदिप जंग थापा रहेका छन् । विवाहपछि ‘सुपर गोर्खे’मार्फत कमब्याक गरेकी ऋचाको यो फिल्म मंसिर २९ देखि देशभर लाग्दैछ ।
गीत हेर्नुहोस् :-
