कात्तिक २४ गतेलाई प्रदर्शन मिति घोषणा गरिएको फिल्म ‘रोमियो’को स्याड सङ रिलिज भएको छ । गीतमा नायक हसनराजा खान नायिका नीशा अधिकारीको यादमा तड्पिएको देख्न सकिन्छ । कुर्बान अली खान र अमृता लिम्बुको आवाज रहेको गीतमा कुर्वानकै शब्द तथा संगीत छ ।
फिल्ममा हसनराजा खान, मेलिना मानन्धर, नीशा अधिकारी, ओसिमा बनु, विष्णु प्रतापको मुख्य भूमिका छ । त्रिकोणात्मक प्रेम कथालाइ उठान गरेको फिल्ममा अष्ट महर्जनको एक्सन, साहिल खानको सम्पादन, रामेश्वर कार्कीको छायांकन छ ।
‘ल्याङ ल्याङ’ बोलको गीतका कारण चर्चामा रहेको फिल्मको यो बियोगान्त भावको गीतले पनि दर्शकको मन जित्न सक्छ । यो फिल्मबाट निर्माता खानले निकै आशा गरेको बताए ।
शंकर कार्कीले फिल्मको निर्देशन गरेका हुन् । एचआरके प्रोडक्शनको निर्माणमा तयार भएको फिल्मका सह–निर्माता बिष्णु कार्की छन् । मिलन सापकोटा फिल्मका कार्यकारी निर्माता हुन् ।
गीत हेर्नुहोस् :-
