बलिउड एक्टर टाइगर श्राफ अहिले आफ्नो नयाँ एक्सन थ्रिलर फिल्म ‘बागी २’ को सुटिङमा व्यस्त छन् । हालैमा फिल्मको सेटबाट टाइगरको पहिलो लुक लिक भएको छ । उनको यो तश्वीर अहिले सोसल साइटमा निकै भाइरल भैरहेको छ ।
फोटोबाट यो अनुमान लगाउन सकिन्छ कि उनी एक्सन सीनको सुटिङ गरिरहेका छन् । टाइगरको लिक भएको तश्वीरमा उनको शरीरमा रगतको दाग देख्न सकिन्छ । उनको यो इन्टेन्स लुक्स फ्यान्सलाई निकै मन परेको छ ।
यो फिल्ममा पनि टाइगर खतरनाक एक्सन अवतारमा देखिदैछन् । उनले यो फिल्मका लागि ५ किलो तौल बढाएका छन् । फिल्म ‘बागी २’ वर्ष २०१६ को फिल्म 'बागी'को सिक्वेल हो, जसमा टाइगरको अपोजिटमा श्रद्धा कपूर देखिएकी थिइन् ।
तर, यसपटक फिल्ममा टाइगरकी रियल लाइफ लभ दिशालाई कास्ट गरिएको छ । 'बागी'ले बक्स अफिसमा सुखद कलेक्सन गरेको थियो ।
‘बागी २’ फिल्म साजिद नाडियावालाको ब्यानरमा बनिरहेको छ । पहिलो फिल्मको निर्देशन शब्बीरर खानले गरेका थिए भने यसपटक निर्देशक अहमद खानले निर्देशन गरिरहेका छन् । फिल्ममा टाइगर डबल रोलमा देखिएका छन् ।
यही फिल्मका लागि उनले पूरै शिर मुन्डन गरेका छन् । टाइगर ‘बागी २’ मा दुई लुकमा देखिनेछन् । फिल्म अर्को वर्षको २७ अप्रिलमा रिलिज हुँदैछ ।
