फिल्म ‘बटरफ्लाई’को ईण्डक्ल्याप भएको छ । फिल्ममा समावेश प्रेमभावको एक गीत खिच्दै फिल्मको सम्पूर्ण छायांकन सकिएको हो । फिल्मका अधिकांश दृश्य भने यसअघि नै छायांकन गरिएको थियो । ‘मायाका रङहरु’ बोलको गीतमा लिड अभिनेता आर्यन अधिकारी र अभिनेत्री प्रियंका कार्कीले दृश्य दिएका छन् ।
चिसिँदो मुडेको मौसममा खिचिएको उक्त गीतमा प्रियंकाले केही बोल्ड दृश्यहरु दिएकी छिन् । फिल्मीखबर डटकमलाई प्राप्त तश्विरमा प्रियंकालाई आर्यनको अंगालोमा देख्न सकिन्छ । यो गीत चाँडै रिलिज गर्ने निर्माण टीमको तयारी छ ।
पुष्पान्जली अधिकारी (सखा), रामशरण राना र भुपेन्द्र सुवेदी निर्माता रहेको फिल्मका कार्यकारी निर्माता रमेश प्रजापति छन् । सुरेश बज्राचार्यले खिचेको फिल्ममा कोरियोग्राफी कविराज गहतराजको छ । आउँदो पौष २८ मा रिलिज हुने यो फिल्मका निर्देशक ओमप्रतिक गुरुङ हुन् ।
