रौतहटका बाढी पीडितहरुका लागि एकीकृत नमूना वस्ती निर्माण गर्न लागेको ‘धुर्मुस-सुन्तली’ फाउण्डेशनलाई युकेबाट सहयोग प्राप्त भएको छ । सोमवार युकेमा रहेको ‘नेपाली भाषा सांस्कृतिक केन्द्र’ र ‘बन्दथोक नेपाली समाज युके’ले २ हजार ३ सय ९१ पाउण्ड इस्ट्रेलिङ्ग फाउण्डेशनलाई हस्तान्तरण गरिएको छ ।
युकेका संस्था प्रतिनिधि राजन फुयाँल र निर्देशक दीपेन्द्र के. खनालले ‘धुर्मुस-सुन्तली’ फाउन्डेशनकी कोषाध्यक्ष कुञ्जना घिमिरेलाई चेक हस्तान्तरण गरेका थिए । स्थलगत अध्ययन तथा अवलोकन पश्चात फाउण्डेशनले जिल्लाको चन्द्रपुर नगरपालिका-८ स्थित सन्तपुर दलित बस्तीमा ‘एकीकृत नमूना सन्तपुर वस्ती’ निर्माण गर्ने लगाएको हो ।
सन्तपुर दलित बस्तीमा अहिले ४५ परिवारका २८० जनाको संख्या बसोवास रहेको छ । वस्तीमा माझि, दुसाद, लोहार, मुसहर र हजाम जातजातिहरुको बसोवास रहेको छ । वषौंदेखि गरिवीको चपेटामा परेका उनीहरुको अवस्था बाढीका कारण पुरै घर डुवानमा परेपछि अत्यन्तै नाजुक बनेको छ ।