अभिनेता वरूण धवनको कमेडी फिल्म 'जुडवा २' को ट्रेलर सार्वजनिक भएको छ । यो फिल्म वर्ष १९९७ मा प्रदर्शनमा आएको बलीउड स्टार सलमान खान, करिश्मा कपूर र रम्भा अभिनीत फिल्म ‘जुडवा’ को सिक्वेल हो ।
फिल्ममा वरुण राजा र प्रेम नामको दुई भूमिकामा देखिनेछन् । ट्रेलरभन्दा अगाडि सार्वजनिक भएको पोस्टरमा पनि उनको दुई अवतार देखिएको थियो । यी दुईको चारित्रिक विशेषता विपरीत देखिन्छ । एक सिधासाधा छन् भने अर्का उट्पट्याङ । एउटा कमजोर देखिन्छन् भने अर्का बलिया र फुर्तिला ।
यो फिल्ममा अनुपम खेर, ज्याकलिन फर्नान्डीस, तापसी पन्नू मुख्य भूमिका छन् । यो फिल्म २९ सेप्टेम्बरबाट प्रदर्शनमा आउँदैछ । ट्रेलरमा तापसी पन्नूको निकै हट अवतार देख्न सकिन्छ । ज्याकलीनको पनि बोल्ड अन्दाज कोहि भन्दा कम छैन । यस अघि सलमानको ‘जुडवा’ र यसको सिक्वेल ‘जुडवा–२’ लाई साजिद नाडियाडवालाले निर्माण गरेका हुन् ।
ट्रेलर हेर्नुस् :-
