भाद्र ८ पछि भाद्र ३० तर यी दुवै मितिमा सौगात मल्ल र बेनिशा हमाल अभिनित फिल्म ‘झ्यानाकुटी’ प्रदर्शनमा नआउने भएको छ । यसअघि निर्माण पक्षले भाद्र ८ गतेलाई रिलिज फाइनल गर्दै फस्टलुक पोस्टर सार्वजनिक गरेको थियो ।
शदर भेषावकरसँग विवाह गरेपछि निर्मात्री निशा अधिकारीले फिल्मको काम नसकिएको भन्दै भाद्र ८ बाट हात झिकिन् र भाद्र ३० गते सौगात र बेनिशाको ‘झ्यानाकुटी’ गर्ने सोच बनाइन् । तर, भाद्र ३० गतेबाट पनि हात झिक्दै नायिका अधिकारीले फिल्मको रिलिज कात्तिक १७ गतेलाई कन्फर्म गरेकी छिन् ।
फिल्मीखबर डटकमका पत्रकार मनिष अन्जानसँग एक भेटको क्रममा वितरक सुनिल मानन्धरले ‘झ्यानाकुटी’ कात्तिक १७ गतेबाट प्रदर्शनमा आउने जानकारी दिए । ‘झ्यानाकुटी’बाट नायिका निशा अधिकारीले फिल्म निर्माणमा हात हालेकी हुन् । फिल्मलाई सिमोश सुनुवारले निर्देशन गरेका हुन् ।