शुक्रबारबाट प्रदर्शनमा आएको फिल्म ‘मेरी कुसुम’ले नेपालमा खासै दमदार व्यापार गर्न सकेन । तर, पनि यसका निर्माता तथा मुख्य कलाकार मोहन बोगटी भने खुशी छन् । दुवईबाट नै लगानीको ९० प्रतिशत उठाएका कारण पनि उनलाई नेपालको व्यापारमा पुरा भर पर्नु परेन । यसैले, पनि नेपालबाट आउने रकमले आफू सुरक्षित रहेको उनको भनाइ छ ।
मोहनले भने–‘पहिलो फिल्म रिलिज होला कि नहोला भन्ने अन्यौलताका विच दर्शकले मन पराइदिनुभयो । मलाई अब, नयाँ फिल्म अझ उत्कृष्ट बनाउने हौसला मिलेको छ ।’
मोहन अगाडि भन्छन्–‘पहिलो फिल्म बनाएर मैले धेरै कुरा बुझेँ । दर्शकले दिनुभएको मायाप्रति आभारी छु ।’ ‘मेरी कुसुम’लाई एन.आर. घिमिरेले निर्देशन गरेका हुन् । सुनिता शर्मा बोगटी निर्मात्री रहेको फिल्ममा मोहन बोगटी र हर्षिका श्रेष्ठको मुख्य भूमिका छ।
दिव्य सुवेदीको छायांकन, टंक वुढाथोकीको संगीत छ । प्रेम र युद्धको कथा फिल्मको केन्द्रमा रहेको छ।
