(1).jpg)
२०६९ सालमा प्रदर्शनमा आएको फिल्म ‘सायद’को नेम सिक्वेल ‘सायद २’ आजबाट अल नेपाल प्रदर्शनमा आएको छ । गीतसंगीत र ट्रेलरबाटै प्रतिक्षित बनेको फिल्म ‘सायद २’ ले प्रदर्शनको पहिलो दिन सुखद ओपनिङ गरेको छ ।
‘राजधानीका मल्टिप्लेक्सदेखि सिंगल सबैतिर फिल्म हाउसफूल छ’, निर्माता सुनिल रावल भन्छन्, ‘राजधानी बाहिर पोखरा, चितवन, धनगडी, नेपालगञ्ज लगायतका ठाउँहरुमा पनि फिल्म हाउसफूल भएको जानकारी प्राप्त भएको छ ।’ उनका अनुसार, ‘सायद’को साख ‘सायद २’ ले बचाएको छ ।
.jpg)
यसको पहिलो भागलाई पनि युवापुस्ताका दर्शकहरुले निकै रुचाएका थिए । फिल्ममा सुशील श्रेष्ठ, निशा कार्की, स्यारोन श्रेष्ठ, अमृत ढुङ्गाना, कुशल पाण्डे तथा निर्माता सुनिल रावलको समेत अभिनय छ ।
फिल्ममा सुनिलसँग ईश्वर श्रेष्ठ र सुवास लामिछाने निर्माणमा सहकार्य गरेका छन् । हेमदेव गौतम र कृष्ण प्रधान पनि सह–निर्माताको रुपमा छन् । फिल्मलाई पुष्पराज न्यौपानेले निर्देशन गरेका हुन् ।
