फिल्ममेकर सञ्जय लीला भंसालीले लेखक अमीश त्रिपाठीको चर्चित पुस्तक 'द इम्मोर्टल्स अफ मेलुहा'को राइट्स खरिद गरेका छन् । भगवान शिवमाथि लेखिएको यो पुस्तक निकै चर्चामा रहेको थियो ।
स१जय लीला भंसालीले आफ्नो नयाँ फिल्ममा भगवान शिवको भूमिका ऋतिक रोशनलाई दिएका छन् । ऋतिक अहिले आफ्नो परिवारसँग अमेरिकामा छुट्टी मनाइरहेका छन् । तर, सुत्रका अनुसार उनी यो भूमिकालाई लिएर निकै एक्साइटेड छन् ।
केही समय अगाडिसम्म करण जोहरसँग यो पुस्तकको राइट्स खरिद गरेका थियो । त्यस बखत भगवान शिवका भूमिकाको लागि सलमान खान, ऋतिक रोशन, वरुण धवन र टाइगर श्राफ जस्ता स्टारको नाम अगाडि आएको थियो । तर, करण जोहरको यो सपना पूरा भएन ।
सञ्जय लीला भंसाली र ऋतिक रोशनले सन् २०१० मा आएको फिल्म 'गुजारिश' मा एकसाथ काम गरेका थिए ।
