.jpg)
भाद्र २ गते रिलिज हुन लागेको फिल्म 'भूईँमान्छे'को पहिलो रोमान्टिक गीत रिलिज भएको छ । गीतमा रमेश बुढाथोकी र सिपोरा गुरुङ फिचरिङ छन्, जहाँ दुईबीच बढ्दै गरेको मायालाई देखाइएको छ । सार्वजनिक गीतमा शब्द दयाराम पाण्डेको रहेको छ भने यसमा संगीत अर्जुन पोखरेलले दिएका छन् । यस गीतलाई प्रमोद खरेलले गाएका छन् । गीतलाई कविराज गहतराजले निर्देशन गरेका छन् भने यसलाई बिदुर पाण्डेले खिचेका हुन् ।
शैली ईन्टरटेन्मेन्ट एण्ड मुभिज प्राली र शैली थिएटरको प्रस्तुती फिल्म 'भूईँमान्छे' अस्पतालमा पोष्टमार्टम गर्ने मान्छेको कथा हो । दैनिक लाश चिर्ने मान्छेको जीवन कस्तो हुन्छ । उसलाई समाजले कसरी हेरेको हुन्छ । उसको मनोविज्ञान कस्तो होला ? यीनै कुराहरुलाई फिल्ममा समेटिएको निर्देशक नवराज बुढाथोकील बताए ।
फिल्ममा सिपोरा गुरुङ्ग, रमेश बुढाथोकी, सहिन प्रजापति, रोहणी भट्टराई,बादल भट्ट,रामबाबु रेग्मी,शसांक बोहोरा, आर्यान न्यौपाने , नारायण न्यौपाने , सानु ताम्राकार,सौरभ ढकाल ,हरि यादव आदिले अभिनय गरेका छन् । यस्तै, विशेष भुमिकामा तारा केसी,पुष्कर गुरुङ्ग र नविन श्रेष्ठ पनि छन् । फिल्मलाई रोहिणी भट्टराईले निर्माण गरेका हुन् ।
