नायिका शिल्पा पोख्रेल अभिनित फिल्म ‘हामी शरणार्थी’ भाद्र ८ गतेबाट अल नेपाल प्रदर्शनमा आउने भएको छ । भुटानबाट लखेटिएर नेपालमा शरण लिएर बसेका शरणार्थीहरुको कथामा आधारित भएर निर्माण गरिएको फिल्म ‘हामी शरणार्थी’ नेपाली महिलाहरुको महान पर्व तीजलाई लक्षित गर्दै प्रदर्शनमा आउन लागेको हो ।
केरुङ् फिल्मस्को व्यानरमा निर्माण गरिएको फिल्मका निर्देशक विजय लिम्बु केरुङ हुन् । उनका अनुसार, फिल्मले भुटानी शरणार्थीले पाएको दुःख बोल्छ । फिल्ममा नायिका शिल्पा पोखरेलले दुई सन्तानकी आमाको भूमिकामा अभिनय गरेकी छिन् । उनीसँगै जिवन भट्टराई, प्रतिमा रसाईली, नयन घिमिरे, विक्रम श्रेष्ठ, प्रमिला उप्रेती, बालदीप राई र दिलीप योङहाङलगायतको अभिनय छ ।
अर्जुनकुमार पोखरेल, प्रकाश भण्डारी र प्रकाश शिवाकोटीले संयुक्त रुपमा निर्माण गरेको फिल्ममा कृष्णप्रसाद पोखरेल कार्यकारी निर्माता छन् । फिल्ममा हिमाल केसीको द्वन्द, उत्तमजंग लिम्बुको संगीत, कमल राईको नृत्य, बैजु सिंहको पटकथा र संवाद तथा सौरभ लामाको छायांकन छ । फिल्मको वितरक आरआर फिल्मस् हो ।
