साउथ सुपरस्टार अल्लू अर्जुनको नयाँ तेलुगू एक्शन ड्रामा फिल्म ‘दुव्वादा जगन्नाधाम’ प्रदर्शनको एक हप्तामा सय करोड क्लबमा प्रवेश गरेको छ । फिल्मका निर्माताले शुक्रवार यसको औपचारिक जानकारी दिएका छन् ।
फिल्मको एक आधिकारिक पोस्टरमा फिल्म निर्माताहरुले केवल एक हप्तामा बक्स अफिसमा यो फिल्मले सय करोडभन्दा बढी विजनेश गरेको पुष्टि गरेका छन् । हरीश शंकर द्वारा निर्देशित फिल्ममा अर्जुन एक ब्राह्मण यूवकदेखि निगरानी समिति सदस्यको भूमिकामा प्रस्तुत भएका छन् । यो फिल्ममा पूजा हेगडे, राव रमेश, सुब्बाराज र मुरली शर्मा जस्ता कलाकारहरुको मुख्य भूमिका रहेको छ । देवी श्री प्रसादले यो फिल्मको गीतमा संगीत भरेका छन् ।
अर्जुनको यो तेस्रो फिल्म हो, जून सय करोड क्लबमा प्रवेश गरेको छ । योभन्दा अगाडि उनको ‘रेस-गुर्राम’ र ‘र्सैनोदू’ ले पनि सय करोडको विजनेश गरेको थियो ।
