.jpg)
बलीउड अभिनेता टाइगर श्राफलाई सिल्भर स्क्रिनमा 'शेरखान'को भूमिका निर्वाहा गर्दै गरेको देख्न पाइने भएको छ । सलमान खानलाई लिएर उनका भाई सोहेल खान ‘शेरखान’ बनाउने तयारीमा थिए तर फिल्म बन्न सकेन ।
सलमान खानले यो फिल्म खेल्न अस्वीकार गरेका थिए । जून तरिकाले सोहेल यो फिल्म बनाउन चाहन्थे, सलमान त्यसबाट खुशी थिएनन् । यसै कारण यो प्रोजेक्टको काम अगाडि बढ्न पाएको थिइन् तर सोहेलले ‘शेरखान’ बनाउने सपना देख्न छाडेनन् ।
हालैमा केही दिनदेखि उनको फिल्म एकपटक फेरि चर्चामा आएको छ । भारतीय मिडियाका अनुसार, सोहेल खानले आफ्नो यो महत्त्वाकांक्षी प्रोजेक्ट अब सलमान खान बिना नै बनाउने भएका छन् । यसको सिलसिलामा उनले टाइगर श्राफसँग सुरुवाती कुराकानी गरेका छन् ।
सोहेल खानले भनेका छन् कि यो फिल्ममा टाइगर श्राफ मुख्य भूमिकामा हुन सक्छन् । सलमान खान जब फिल्ममा जोडिएका थिए, तब यसको निर्माण लागत धेरै थियो । अब यो फिल्म औसत बजेटमा बन्ने बताइएको छ ।
