'बाहुबली' रिलिज भएपछि सर्वाधिक चर्चामा रहे अभिनेता प्रभास । यस फिल्मको रिलिज पश्चात प्रभासको साउथमा मात्र होइन बलिउडमा पनि डिमाण्ड बढेको छ । प्रभासलाई लिएर अहिले बलीउड फिल्म निर्माण गर्ने निर्माताहरुको ताँती कम्ता छैन् । तर, प्रभासले अहिलेसम्म कुनै पनि बलीउड फिल्म साइन गरेका छैनन् ।
केही समय अगाडि एउटा खबर बाहिरिएको थियो कि प्रभासलाई निर्माता करण जोहरले आफ्नो फिल्मबाट बलीउडमा डेब्यू गराउँदैछन् । तर, यो अहिलेसम्म संभव भएको छैन् । त्यस्तै, बलीउड निर्देशक रोहित शेट्ठीले पनि प्रभासलाई आफ्नो फिल्मबाट डेब्यू गराउन लागेको चर्चाले अझै पनि बलीउड तातेको छ तर रोहितले यो खबरमा सत्यता नभएको बताइसकेका छन् ।
करण र रोहित मात्र होइन प्रभासलाई लिएर फिल्म निर्माण गर्ने होडमा बलीउडका नामी निर्माताहरु पनि लागि परेका छन् । हालै केही निर्माताहरु प्रभासलाई साइन गर्न समेत पुगेको खबर छ । मिडिया रिपोर्टका अनुसार, प्रभाससँग उनीहरुले फिल्मको स्क्रिप्ट र स्टारकास्टको लागि पनि छलफल गरे । त्यसपछि चर्चा भयो उनले कति पारिश्रमिक लिने । तब, प्रभासले ८० करोड पारिश्रमिक लिने जानकारी दिए ।
यो सुनेर निर्माताहरुको होस नै उड्यो । उनीहरु त्यसपछि चुप लागेर फर्के । यति धेरै फिस अन्य बलीउड स्टारहरुले पनि पाएका छैनन् । भारतीय मिडियाका अनुसार, अब जून निर्माताले ८० करोड तिर्न सक्नेछन् उनीहरुले प्रभासलाई साइन गर्न सक्नेछन् ।