बलीउड अभिनेत्री कंगना रनौतले फेरी आफ्नो पारिश्रमिक बढाएकी छिन् । खबरका अनुसार, उनले हालैमा एक फिल्मका लागि ११ करोड पारिश्रमिक मागेकी थिइन् । कंगनाले पारिश्रमिक बढाएपछि निर्देशक राजीव मेनन खाली हात उनको घरको दैलोबाट फर्किनु पर्यो । राजीव मेनन कंगनालाई आफ्नो नयाँ फिल्ममा साइन गर्न चाहन्थे । यसका लागि मेननले कंगनालाई फिल्मको स्टोरी पनि सुनाएका थिए ।
सुत्रका अनुसार, कंगनालाई पटकथा मन पर्यो र उनी फिल्म गर्न तयार पनि भईन् । जब पारिश्रमिकको कुरा आयो तब कंगानाले मेननसँग ११ करोड माग गरिन् । कंगनाले माग गरेको ११ करोड पारिश्रमिक दिन मेनन तयार नभएपछि उनी खाली हात कंगनाको घरबाट फर्किए । अहिले मेननले फिल्मको सबै काम रोकेर नयाँ नायिकाको खोजीमा निस्किएका छन् ।