बलीउड अभिनेत्री सनी लियोन र उनका पति डेनियल वेबरले हालैमा अमेरिकाको लस एन्जिलिसमा ५ विएचकेको लग्जरी घर किनेका छन् । सनीको यो घर शेर्मन ओक्समा छ र यहाँ बलीउडका धेरै सेलिब्रिटीज रहन्छन् । हालैमा यो घरको फोटोहरु सनीले आफ्नो सोसल ह्याडलमा शेयर गरेकी छिन् । यो घर निकै आलिसान छ । सनी र डेनियल अब यही शिफ्ट हुने तयारीमा छन् । यसलाई सजाउनका लागि यी दुईले नेपाल, इटली र स्पेनबाट इन्टीरियर खरीद गरेका छन् ।
यो घर सनीको ३६ औं बर्थडेको गिफ्ट हो । यसलाई डेनियल र सनी लामो समयदेखि किन्न चाहन्थे । अन्ततः सनीको बर्थडेमा यो पूरा भएको हो । सनीको नयाँ घर ४३, ५६० वर्ग फुटमा फैलिएको छ । सनीको घरमा ५ बेडरुम, एक होम थिएटर, स्वीमिंग पूल, आउटडोर डाइनिंग एरिया र एक ठूलो गार्डन छ । सनी र डेनियलले घरका लागि भगवान गणेशको मूर्ति समेत खरिद गरेका छन् ।
