‘बाहुबली २ : द कन्क्लूजन' ले हिन्दी बेल्टमा १७ दिनमा ४३२ करोड नेट बक्सअफिस कारोबार गरेको छ । यो फिल्मको कारोबारले गएको शुक्रवार रिलिज भएको रामगोपाल वर्मा डायरेक्टेड अमिताभ बच्चनको फिल्म 'सरकार ३' र अक्षय रोय डायरेक्टेड परिणीति चोपडाको फिल्म 'मेरी प्यारी बिन्दू' लाई समेत असर पुगेको छ ।
अमिताभको फिल्मले विकेन्ड (तीन दिनमा) ४.५ करोडको कारोबार गरेको छ भने परिणीतिको फिल्मले ६.५ करोड । ट्रेड एनालिस्टहरुको कुरा सुन्ने हो भने 'बाहुबली' नभएको भए यी दुई फिल्मको ब्यापार केही माथि हुन सक्थ्यो । शुक्रवार पंजाबमा अमरिंदर गिल, सरगुन मेहता र युवराज हंसको फिल्म 'लाहोरिए' ले रिलिज भएको तीन दिनमा ५ करोडको विजनेश गरेर 'बाहुबली' को आँधीलाई पंजाबमा केही हदसम्म भएपनि थामिदिएको थियो ।
शुक्रवार, शनिवार र आईतवार 'बाहुबली २' ले पंजाब टेरिटरीमा ४.३५ को विजनेश गरेको छ । त्यस्तै, अमिताभको फिल्मले ५० लाख र परिणीतिको फिल्मले लगभग ६० लाखको आसपासमा पैसा छापेको छ ।