सैफ अली खान १९९९ पछि यस बर्ष एकसाथ चार फिल्ममा देखिँदैछन् । एक रिलिज (रंगून) भैसकेको छ र अरु तीन (शेफ, कलाकंदी र बाजार) बाँकी छन् । एक रिपोर्टका अनुसार, सैफ अली खान विपुल शाहको फिल्ममा अब डाक्टरको भूमिकामा देखिँदैछन् ।
विपुलले हालैमा एक भारतीय मिडियासँगको अन्तर्वार्ताको क्रममा भने, ‘यो फिल्मको कहानी मैले सन् २००९ मा बनाउन सुरु गरेको थिएँ । त्यसबेला म यो फिल्म बनाउन चाहन्थें तर यो प्रोजेक्ट निकै लेट भयो । खासमा, यो मेडिकल ड्रामाको रिसर्चको निकै आवश्यक थियो । जसमाथि हाम्रा राइटर्स सुरेश नायर र रितेश शाह काम गरिरहेका थिए ।’ विपुलले भने कि सैफ अली खानसँग अहिले यो फिल्मको विषयमा कुराकानी भैरहेको छ ।
